Request Information
Ready to find out what MSU Denver can do for you? We’ve got you covered.
Have Questions? We have answers.
Contact Us
तीन सजिला चरणहरूमा MSU Denver मा आवेदन दिनुहोस्!
पहिलो चरण: आवेदन दिनुहोस्
तपाईंले पूरा गर्नका लागि तलका मध्ये कुनै एउटा आवेदन छान्न सक्नुहुन्छ
- अन्तर्राष्ट्रिय आवेदन शुल्क $50 हो।
दोस्रो चरण: आवश्यक कागपत्रहरू पेश गर्नुहोस्
आधिकारिक हाइ स्कुलका कागजपत्र आवश्यकताहरूको संक्षिप्त जानकारीका लागि यहाँ हेर्नुहोस्।
आधिकारिक सिनियर सेकेन्डरी(हाइ स्कुल) कागजपत्रहरू तपाईंका रेकर्डहरूको प्रतिलिपि राख्ने आधिकारिक स्रोतबाट, जस्तै तपाईंको विद्यालय, शिक्षा मन्त्रालयको कार्यालय वा परीक्षा बोर्डबाट, MSU Denver मा सिधैँ पठाइन्छन्।
तपाईंका कागजपत्रहरूले सबै अन्तिम नतिजा र स्नातक भएको मिति देखाउनुपर्नेछ।
तपाईंलाई आफ्नो देशका कुन कागजपत्रहरू आवश्यक छन् भन्ने थाहा छैन भने, कृपया अन्तर्राष्ट्रिय भर्ना कार्यालय सँग सम्पर्क गर्नुहोस्
कागजपत्र अङ्ग्रेजी बाहेक अन्य भाषामा जारी गरिएको छ भने, मूल भाषामा जारी गर्ने संस्थाबाट सिधैँ आएको आधिकारिक कागजपत्रसँगै हामीले विशेषय़ज्ञ अङ्ग्रेजी अनुवाद पनि प्राप्त गर्नुपर्छ।
हामीलाई सेकेन्डरी तहका शैक्षिक कागजपत्रहरूका लागि प्रमाणपत्र मूल्याङ्कन आवश्यक पर्दैन।
तपाईंको सिनियर सेकेन्डरी शैक्षिक कागजपत्रहरू गैर-अङ्ग्रेजी भाषामा जारी गरिएको छ भने, तपाईंले मूल शैक्षिक कागजपत्रका रूपमा उही ढाँचामा पूर्ण, शाब्दिक, शब्द-प्रति-शब्द अङ्ग्रेजी अनुवाद पेश गर्नुपर्नेछ।
तपाईंका अनूदित कागजपत्रहरूमा निम्न समावेश हुनुपर्नेछ:
- अनुवादकको योग्यता व्याख्या गर्ने उपयुक्त छाप वा सिल
- अनुवादक वा अनुवाद सेवा प्रदायकको पूरा नाम, हुलाक ठेगाना, टेलिफोन नम्बर, इमेल ठेगाना वा अनुवादको प्रामाणिकता प्रमाणित गर्न सकिने अन्य माध्यम।
स्वीकार्य अनुवादकहरूमा व्यावसायिक अनुवादक वा स्थानीय शिक्षा संयुक्त राज्य अमेरिका कार्यालय समावेश छन्।
अमेरिकामा रहेका व्यावसायिक अनुवादकहरूका लागि, हामी तपाईंलाई अमेरिकी अनुवादक संघका स्वीकृत व्यावसायिक अनुवादक सदस्यहरू खोज्न सिफारिस गर्छौँ।
Languex, स्पेनिश समूह र HYPERLINK “https://rushtranslate.com/” \hहामीले देख्ने केही सामान्य अनुवाद सेवाहरू हुन्। तर हामी प्रमाणित गर्न सक्ने धेरैजसो प्रमाणित अनुवादकहरूलाई स्वीकार गर्न सक्छौँ।
* हामीसँग Languex का लागि संस्थागत छुट कोड छ: MSUDV
**नोट: तपाईं, तपाईंको परिवार वा साथीहरूले तपाईंका लागि तपाईंका कागजपत्रहरू अनुवाद गर्न पाउने छैनन्। यो एक व्यावसायिक अनुवादकद्वारा पूरा गर्नुपर्नेछ।
आधिकारिक विश्वविद्यालय कागजपत्र आवश्यकताहरूको सिंहावलोकनका लागि यहाँ हेर्नुहोस्।
विश्वविद्यालय ट्रान्सक्रिप्ट(हरू) का अतिरिक्त, व्यावसायिक ट्रान्सक्रिप्ट मूल्याङ्कन सेवाद्वारा पूरा गरिएका पाठ्यक्रम-दर-कोर्स मूल्याङ्कन आवश्यक पर्ने छन्।
मूल्याङ्कन सेवालाई WES वा ECE जस्ता राष्ट्रिय प्रमाण मूल्याङ्कन सेवा संघ (NACES) को हालका सदस्यका रूपमा सूचीबद्ध गर्नुपर्नेछ।
आधिकारिक मूल्याङ्कन प्रतिवेदनहरू मूल्याङ्कन सेवाद्वारा [email protected] मा सोझै MSU Denver मा पठाउनुपर्नेछ।
हामी तपाईंलाई तपाईंका प्रमाणित ट्रान्सक्रिप्ट(हरू) को प्रतिलिपि मूल्याङ्कन प्रतिवेदनसँगै पठाउन सक्ने सेवा छनोट गर्न सुझाव दिन्छौँ।
- यदि मूल्याङ्कन सेवाले तपाईंका प्रमाणित शैक्षिक कागजपत्रहरू हामीलाई पठाउँदैन भने, हामीले तपाईंको विश्वविद्यालय ट्रान्सक्रिप्टहरूको प्रतिलिपि पनि प्राप्त गर्नुपर्नेछ।
आधिकारिक ट्रान्सक्रिप्टहरू जारी गर्ने संस्थाले ती प्रलेखहरू सोझै MSU Denver मा पठाउनुपर्नेछ: [email protected]
पर्याप्त अङ्ग्रेजी प्रवीणताको प्रमाण देखाउनका लागि तपाईंले हाम्रा आवश्यकता र छुटहरूको समीक्षा गर्न सक्नुहुन्छ।
शैक्षिक वर्ष (2025-2026) का लागि अनुमानित ट्युसन र खर्च
F-1 भिसा – डिग्री खोज्ने विद्यार्थीहरू
| ट्युसन र शुल्कहरू | $23,766 |
| जीवनयापन खर्चहरू | $17,070 |
| विविध लागतहरू (स्वास्थ्य बीमा, पुस्तक र आपूर्तिहरू) | $7,652 |
| जम्मा अनुमानित लागत: | $48,488 |
** यो उपस्थितिको अनुमानित वार्षिक लागत हो। भर्नाका लागि आवश्यक रकम उपस्थितिको प्रत्यक्ष र अप्रत्यक्ष लागतका आधारमा पूर्वसूचनाबिना परिवर्तन हुन सक्छ।
स्वीकार्य आर्थिक कागजपत्रका प्रकारहरू
- चेकिङ खाता वा बचत खाता जस्ता तरल कोषहरू भएको खाताको कारोबार इतिहास देखाउने बैङ्कद्वारा जारी गरिएको कागजपत्र।
** वित्तीय संस्थाहरूसँग पेश गरिएका कुनै पनि कागजपत्र प्रमाणित गर्ने अधिकार अन्तर्राष्ट्रिय भर्नासँग सुरक्षित छ।. **
आर्थिक कागजपत्रका आवश्यकताहरू
- बैङ्कका कागजपत्रहरू वित्तीय संस्थाको आधिकारिक स्टेशनरीमा रङ्गीन रूपमा जारी गर्नुपर्नेछ
- बैङ्कका कागजपत्रहरूमा मिति उल्लेख भएको र पाँच महिनाभन्दा कम पुरानो हुनुपपर्नेछ
- बैङ्कका कागजपत्रहरूमा निम्न जानकारी समावेश हुनुपर्छ:
- जारी मिति
- खाताको हालको मौज्दात
- खातामा रहेको मुद्रा प्रकार
- खाता धारकको नाम
- खाता प्रकार (जस्तै चेकिङ वा बचत खाता)
हामी तलब/रोजगार पत्र, सम्पत्ति मूल्याङ्कन, कर रिटर्न, घरजग्गा मूल्याङ्कन, क्रेडिट कार्ड स्टेटमेन्ट वा लगानी खाताहरू जस्ता गैर-तरल सम्पत्तिहरूका लागि कागजपत्रहरू स्वीकार गर्न सक्दैनौँ।
तपाईंको रोजगारदाताले तपाईंको शिक्षालाई प्रायोजन नगरेसम्म हामी व्यावसायिक खाताहरू पनि स्वीकार गर्न सक्दैनौँ।
** बैङ्कका कागजपत्रहरू अङ्ग्रेजीमा छैनन् भने, हामीलाई विशेषज्ञ अङ्ग्रेजी अनुवाद र बैङ्कद्वारा जारी गरिएको मूल भाषा कागजपत्रहरू आवश्यक पर्न सक्छन्।
वित्तीय शपथपत्र फाराम
F-1 वित्तीय शपथपत्र फाराम तपाईं स्वयं र तपाईंका आर्थिक प्रायोजकहरूले पूरा गर्नुहुन्छ। कृपया सबै खण्ड पूरा गर्नुहोस् र बैङ्क स्टेटमेन्टसँगै फाराम पेश गर्नुहोस्।
तपाईंसँग आश्रितहरू (जीवनसाथी र/वा नाबालक बालबालिका) साथमा छन् भने र उनीहरूले F-2 भिसाहरूका लागि आवेदन दिनुपर्नेछ भने, तपाईंले निम्न कागजपत्रहरू पेश गर्नुपर्नेछ:
- F-2 भिसा स्थिति फारामका लागि आश्रितहरू
- उनीहरूको पासपोर्टका पहिचान पृष्ठ(हरू) का प्रतिलिपिहरू
- अन्य आप्रवासनका कागजपत्रहरू (उहाँहरू हाल अमेरिकामा अर्को भिसा प्रकारमा हुनुहुन्छ भने), लागू हुनेभएमा
साथमा आउने आश्रितहरूका लागि आर्थिक कागजपत्रहरू
तपाईंको आर्थिक सहयोग कागजपत्रहरूले F-2 भिसा लिने योजना बनाएका तपाईंको जीवनसाथी र/वा
नाबालक बालबालिकाका लागि पर्याप्त रकम देखाउनुपर्नेछ।
हालका खर्चहरू जीवनसाथीका लागि $10,000 र प्रत्येक बच्चाका लागि $10,000 रहेका छन्।
MSU Denver को भर्नाका आवश्यकताहरूका बारेमा कुनै पनि प्रश्नका लागि अन्तर्राष्ट्रिय भर्नामा सम्पर्क गर्नुहोस्।
तेस्रो चरण: भर्ना
- हामीले सबै आवश्यक सामग्री प्राप्त गरेपछि तपाईंले इमेलमार्फत भर्ना निर्णय पत्र प्राप्त गर्नुहुनेछ।
- कुनै पनि समयमा आफ्नो आवेदनको स्थिति जाँच गर्न, आफ्नो भर्ना आवेदन एकाउन्टमा लगइन गर्नुहोस् वा अन्तर्राष्ट्रिय भर्नामा सम्पर्क गर्नुहोस्।
- तपाईंले सकारात्मक भर्ना निर्णय प्राप्त गर्नुभयो भने, तपाईंले भर्ना भएका विद्यार्थीहरूका लागि अर्को चरणहरू पूरा गर्नुपर्नेछ।
MSU Denver क्याम्पसको भर्चुअल भ्रमण गर्नुहोस्
हाम्रो अन्तर्राष्ट्रिय प्रवेश नीतिको अंग्रेजी संस्करण र
अनुवादित संस्करण बीच कुनै भिन्नता भएमा, अंग्रेजी
संस्करण प्रबल हुनेछ।